尚品係北京中央別墅區譽天下嘅第二期，五月份賣咗150幢別墅。郭子威透露，為凸顯「矜‧尚品」嘅矜貴，今次同國際著名品牌LG合作，於銷售中心及四房示範屋加入最新現代化家電元素，包括天然蒸氣洗衣機及空氣淨化器等，近日已開展新一輪推廣活動，估計示範屋可以在八月一日開放；而項目會提供聯排、雙並及獨棟三種屋型，面積由約2,799至4,521方呎。

田灣廠地倡轉休憩

講番香港，最近唔少社會人士都好關心城市規劃，好似在香港仔田灣海傍道運作多時嘅混凝土廠，由於已經停產，所以南區區議會就即時要求政府重新檢討該幅地嘅長遠規劃，既然有機會構成污染嘅設施已經關門大吉，建議最好將該幅臨海靚地改為休憩用途，加入海濱設施以還港於民。Vincent翻查規劃圖知道，原來幅地屬於其他指定用途，註明粒料/水泥處理及混凝土配料區，佔地逾3.77萬方呎，可以話係區內罕有嘅全海景地。

Vincent Lau