下月履新 中港兩邊走

絲絲近日聽聞Matthew轉會消息，即時打畀佢關心吓。Matthew大方承認喺敦沛返到七月底，八月三號會正式返新工，喺海通證券做投資諮詢部副總裁，工作範疇都冇乜大變，不過海通喺內地嘅網絡好好，所以未來會多啲同內地傳媒做訪問。咦，咁係咪話以後Matthew唔同本港讀者講股？佢即時話唔係，未來都係兩地跑，亦會繼續出席投資講座向散戶教路。

既然要多啲同內地傳媒做訪問，咁Matthew係咪秘密練兵操緊普通話呢？佢就話冇有怕，因為新公司好多同事都係講普通話，日日講一定掂。

另一名嘴連敬涵亦都轉咗工，佢就轉咗去僑豐證券，聽講係受到僑豐金融集團行政總裁許照中力邀，佢自己亦想接受新挑戰，所以先至過檔。

余絲韻