尋日內地公布經濟數據，雖然上半年GDP同比增長7.1%，保八在望，對大市理應有刺激，之不過，若然大家睇真啲，就會發現今次公布的數據當中，內地居民消費價格同比下降了1.1%，令人擔心內地經濟是否真係一如市場預期般樂觀。
與此同時，內地亦繼續收緊市場游資，除早前先後收緊第二套房的貸款之外，近日人行亦向一眾商業銀行發出定向央票，以吸納市場過剩的流動性。而由於定向央票的票息較一般票據低，所以今次行動亦可視央行向過度借貸的商業銀行發出一張黃牌，以示警告。因此市場上亦開始傳出，七月份新增借貸將會低過五月份的6,600億元人民幣。
按此推斷，中央是次收緊銀根的舉動，對內地甚至港股今後表現，都會帶來一定的影響，加上近日港股又開始出現高不成低不就的狀況，股友們真係要打醒十二分精神。
（小尾）