冀當中國茶品一哥

黃健華話好欣賞焦家良，做茶過程同做藥過程一樣咁認真同謹慎，令佢好放心。黃健華話全國有七萬多家茶廠，但係都無一個較突出嘅品牌，所以龍發嚟緊將集中喺內地市場獨家分銷「龍潤」品牌嘅茶產品，目標係未來3至5年成為中國茶品行業第一位，公司仲會改名做「龍潤茶集團有限公司」。原來「龍潤」呢個品牌好出名，早前中央領導人送咗「龍潤」品牌嘅茶產品畀英國查理斯王子。

據絲絲所知，黃健華不但入股龍發，之前亦係多家上市公司嘅基礎投資者，今年六月仲入股美國NBA騎士球隊，成為首位NBA球隊華人班主。

余絲韻