市況差冇人想睇「輸」

梁鳳儀尋日同絲絲講，四叔本自傳原本應該喺舊年十月左右推出，但咁啱當時遇着金融海嘯，四叔就叫停，諗住大家冇心機睇書（輸）。家陣梁鳳儀就全速為本自傳埋尾，佢話本自傳已經寫到最後一章嘞，主要係寫關於四叔嘅生活與前瞻。梁鳳儀話已經計劃今年七月至八月，執一執本書嘅內容，同埋做吓核對咁話，但係就無講實本書幾時可以出到版。

梁鳳儀仲同絲絲講，四叔好錫啲孫，成日得閒就買玩具畀佢哋玩。梁鳳儀話無論係男孫又好，女孫又好，只要四叔愈來愈多孫抱，佢就開心㗎啦，「千億新抱」徐子淇真係有排忙喇。

余絲韻