內地有消息指東航（00670）與上航的重組事宜取得了較大進展，而且還會很快對外公布。事實上，現時上航在上海航空市場佔有率約15%，東航則達到40%，一旦重組成事，新公司將佔上海市場份額逾半，可謂佔盡優勢。雖然消息又係未經證實，但呢個市場，永遠都係有消息大於一切，正所謂有消息就有機會，因此大家要密切留意啦。
另一邊廂，中鋁（02600）母公司入股力拓一事，本以為係十拿九穩，殊不知臨尾埋門一腳，又畀「程咬金」必和必拓截胡。之不過，其實中鋁入股力拓失敗的真正導火線，是近日金屬商品價格的攀升，令同期力拓股價由與中鋁集團簽約時的約24美元升上48美元水平，並較協議中部分可轉換債券的換股價為高，故交易對力拓來說變得不太划算，因而最終選擇分手收場。至於事件對中鋁來說到底是禍是福，則有待時間去話我哋知。
（小尾）