本文重點
「股神」巴菲特七句話到底值幾錢？去年六月底以破紀錄211萬美元，投得同巴菲特食晏嘅中國私募基金教父趙丹陽冇講到，始終大家嘅悟性唔同，但肯定物有所值。好似巴郡每年開嘅股東會，次次去朝聖嘅股東數以萬計，今年股東會定咗喺五月二日，據講有成3.5萬人湧去朝聖，又破紀錄！
傳高價競贏齊食晏
趙丹陽係內地著名私募基金經理，以果斷聞名江湖。佢舊年突然宣布對旗下5個產品清盤，用咁決絕嘅方式離開市場，當然引起哄動。唔夠半年，就傳出佢以高價投得同巴菲特共進慈善午餐嘅消息。
盛傳巴菲特同趙丹陽講咗七句話。一係獨立，做嘢同人哋一樣仲盲目跟人，最後嘅收益和效果亦同人哋一樣；二係揀啲收益好、將股東利益擺首位嘅公司；三係要用非常合理嘅價錢投資；四係做長線；五係唔好過度令自己嘅投資多元化；六係話A股今年會反彈。
最後一句好抵死，佢暱稱「丹陽，你嘅荷包又扁咗喎！」趙丹陽對股市反彈嘅睇法係有啲保留，先幾日大家仲問佢股市幾時見底，佢坦言「只有上帝先知道」。
余絲韻