港股又重上萬五點，班大戶乜葫蘆賣乜藥，睇怕要到下星期結算後才見真章。
期指市場好淡對壘，現貨則見資金流入個別股份炒作，尤其落後股份，吸引較多資金買入，古晨留意未開車的深圳國際（00152）。集團去年業績在逆境下表現尚算滿意，內地振興經濟計劃亦包括大力發展華南區經濟，深國的物流業務應可受惠。
集團在過去幾年經過多次重組資產，並進行合適收購項目，已打好業務基礎，未來逐步進入收成期。
深國未來除了重點發展物流和收費公路業兩大領域外，已成功建立專業的服務流程和體系，雖然公路業務面對經濟放緩的衝擊，但集團現金儲備充裕，現金流收益亦見穩定，加上配合國家振興經濟政策，有利物流業加速成長，快將進入豐收階段。現價仍處偏低水平，可吸納作長線投資。
古晨