本文重點
支持環保同埋回饋社會嘅理念，可以無衝突。好似新創建（00659）啱啱喺上個月開始，鼓勵同事捐出公幹或外遊時，喺酒店或飛機商務客位收集得來嘅個人護理用品，轉贈畀有需要嘅學童。
幫助綜援家庭學童
估唔到喺短短兩個星期，就收集咗超過1,200件牙膏、牙刷、潤膚露、洗髮露、護髮素及沐浴露等盥洗用品。「新創建愛心聯盟」早前同集團義工隊嘅多名義工，將呢啲全新嘅用品，送畀超過40%學生來自綜援家庭嘅鮮魚行學校，幫佢哋減輕經濟負擔。
不僅咁，新創建更加幫學生收集雨具，屬下嘅新巴及城巴將會捐出約200件沒有乘客認領嘅雨具；新創建旗下嘅新中國洗衣公司又為學校提供免費乾洗校服服務，皆因呢間學校有推行回收校服轉贈低年級同學嘅計劃。
余絲韻