本文重點
大韓航空40周年，專登搵咗11位靚靚空姐，穿着過去40年合共11套大韓航空空姐制服行Catwalk。咁多套制服中，絲絲個人覺得六九年推出嘅紅色空姐制服最突出，但係佢哋用得最耐嘅制服就係九一年推出，已經用咗10年以上，直到○五年先採用新制服，即係依家大韓航空空姐着緊嘅淺藍色制服。
全球路演 港第6站
今次大韓航空40周年，全球路演係慶祝活動之一，已經喺三月十六日展開，合共7站，香港係國際路演嘅第6站，最後一站係澳洲悉尼。
唔好以為呢班空姐淨係周圍飛、行Catwalk，其實佢哋一上飛機，就要繼續空中小姐嘅工作。直到四月十六日，呢11位穿着不同制服嘅空姐，都會喺大韓航空嘅不同航班為乘客服務。
其實喺金融海嘯後，少有航空公司做大型宣傳活動，但大韓航空管理層對前景充滿信心，逆市擴充，最近仲向空中巴士訂購飛機。
余絲韻