本文重點
企業家都需要有冒險精神，啱啱攞到「滙豐青年企業家獎」嘅3位中大學生，諗咗個健康版嘅「漢堡包」概念，唔知大家覺得佢哋係咪好有企業家特質呢？
漢堡包一向畀人唔健康嘅感覺，3名中大環球商業學嘅學生就透過加入從海藻抽取嘅褐藻膠，增加漢堡包嘅纖維含量同埋減低脂肪吸收，將漢堡包搖身一變成為老少咸宜嘅食物，成功勇奪呢個獎。
大學生創健康Burger
譚璟佩、冼晉匡和許俊傑就係針對美國嘅快餐文化，同埋美國人嘅健康、肥胖問題，以健康漢堡包呢個概念參賽，令顧客唔使驚之餘又可享受到美食。贏咗金獎後，今年六月佢哋會代表香港區同其他5個國家嘅學生角逐榮譽大獎。
除咗比賽之外，滙豐亦提供咗6個講座及工作坊畀學生，並邀請專家分享創意思維、撰寫商業計劃書、溝通技巧以及自我管理技巧等。
今年已經係滙豐連續第9年搞青年企業家獎，冠軍隊伍可得到4萬元，總共有342隊隊伍參加，加埋就有914人。
余絲韻