本文重點
思捷（00330）近日好多高層變動，搞到股價跌咗唔少，同邢李O坐鎮年代好唔同。絲絲唔知股民有冇掛住邢生，依家做咗思捷副主席嘅鄭明訓，原來間唔中會同邢生去打波，佢形容邢生依家就歎世界，相信暫時唔會返公司坐鎮。
絲絲記得邢生喺去年完全退下火線，唔再理思捷嘅業務，鄭明訓同絲絲講，邢生走嘅時候，大家都好唔捨得，不過邢生話想花多啲時間搞慈善活動，特別喺佢嘅家鄉海南島辦學校，既然如此，就唔阻住佢全情投入慈善事業。
依家思捷有新班底，鄭明訓話唔使叫邢生返思捷穩定軍心，事關佢話不知幾開心，而且公司有新管理層，相信會做得好好。
主席精挑新CEO
好似啱啱搵番嚟嘅行政總裁Ronald Van der Vis，鄭明訓讚佢有豐富嘅零售經驗，可以加強品牌發展，主席高漢思花咗6至7個月搵到呢個新CEO，不過問到主席之前搵咗幾多個候選CEO，鄭明訓話已經唔記得。
余絲韻