本文重點
港交所（00388）終於順應民意取消收市後嘅U時段安排，唔少卜架都話成身鬆晒，皆因以往曾經試過喺呢個U時段，客戶所持有嘅股份股價突然大上大落，客戶打嚟問個究竟，但大家都知，呢啲係大戶對賭作為，外人實在難明。依家取消咗，唔使再為呢無無謂謂嘅10分鐘而煩惱。
踏入四月份，復活節假期將至，將有一連四日公眾假期，唔少卜架都正在部署外出旅遊。
市淡寧願行開吓
有卜架笑言諗住出外，唔係因為真係想去旅行，只係見班基金做完季結，睇怕四月份交投會回復平靜，做卜架最怕係見到淡市，因為對住個金魚缸，少客落單買賣，自己忍唔住手落場跑數，萬一唔順手，坐喺卜架行分分鐘仲貴過去旅行。所以都係實際啲，攞多幾日假期行開吓，充吓電，等長假後再作部署咁話！