本文重點
呢排二十國集團峰會舉行期間，絲絲見經濟實力近年上位嘅中國受到唔少工業國重視，喺海嘯蹂躪下，仲話中國經濟復甦最快，不過，喺風光嘅背後，中國都付出咗好沉重嘅代價，事關《福布斯》出咗個全球稅負痛苦指數排名，面對經齊衰退，又大力發展基建，而且仲加大咗僱主同受僱者嘅社會保障稅務，中國就由舊年嘅第五位升咗上第二位，原來喺中國生活嘅老百姓都認真唔易捱。
港排尾三算幸福
當然第一名就畀薩爾科齊喺當選總統時，口口聲聲話當選後唔會加稅嘅法國攞咗啦。
不過，絲絲有啲欣慰嘅係，我哋嘅居住地香港反而係排名尾三，而且仲同交稅最輕嘅第一名卡塔爾、第二名阿拉伯聯合酋長國一樣係唔使交增值稅㗎。
今次《福布斯》呢個指數係按照地區稅務政策對資本同人才吸引度進行嘅排名分析，分數最高嘅就係稅負痛苦最大嘅地區，整體嚟講，多數亞洲地區都好努力咁令到稅務環境更加有吸引力，事關除咗日本同中國之外，其他地方都保持緊呢個狀態。