被嘲軟飯王 李乘德淡定反擊 胡杏兒感激老公 放心追夢

胡杏兒感激丈夫照顧兒子，讓她可以發展演藝事業。

胡杏兒醉心演藝事業，即使之前懷着三子Liam時仍中港兩地走，老公則留港負責照顧兒子們，實行「女主外，男主內」。日前，李乘德網晒與長子Brendan及次子Ryan的「家庭裝」合照晒幸福，竟有網民留言指他是「世紀軟飯王」：「你真係世紀軟飯王，犀利過袁偉豪。日日喺度湊仔玩樂，老婆就生仔前後都要喺大陸辛苦拍戲。陰功。慘過生仔機器，又要生又要為生活拚搏。你間酒吧去咗邊？」李乘德未有退縮，並親自回覆：「多謝關心。可能你唔知，本人用心做嘢做咗幾十年。現在有幾間公司，條隊唔算好大，得幾十人。但托賴，今年的生意唔錯，可以畀到少少時間我陪小朋友。家庭和小朋友係最重要。希望你都會明白，酒吧仍然喺度，多謝關心。得閒落去飲杯嘢。我請。祝你健康開心快樂。」網民大讚他EQ高。

• 李乘德生意上軌道，可以多抽時間陪伴兒子。

讚老婆英文進步

而身在內地的太太胡杏兒亦發英語千字文力撐：「他多年來一直努力工作及養家，並已建立非常成功的事業，我可以說，如果他不想上班，是絕對可以的，不是因為我，而是他歷年來、包括在認識我之前，他在事業上已付出不少心機和努力。」她更指自己經常到內地工作，感激丈夫照顧家庭，讓她可以追夢。李乘德則以英語搞笑地回覆：「嘩！感謝李太太，自從你同我一起之後，你的英語更好！」杏兒好友李施嬅也留言支持。