吳彥祖圓賽車夢
吳彥祖（Daniel）最近拍攝由馮德倫監製的《速度之旅》，以寫實手法紀錄他今年3場賽車賽事，他自嘲人到中年才實現夢想：「中年男人都可以學到新嘢，好多中年人對自己嘅生活覺得滿足，冇咩好多挑戰自己嘅機遇，賽車係我一直嘅夢想，我好妒忌Aaron Kwok（郭富城）、爾冬陞同方力申，以及佢哋嘅賽車生涯，依家我終於有機會嘗試了！」
久未在港露面的他目前定居美國，但依然心繫香港，他斬釘截鐵表示必定會拍更多精彩的華語電影：「開始賽車是因為疫情期間冇嘢做，依家幾乎恢復正常，希望盡快拍一部香港電影，因為我好懷念喺香港工作。」
