農曆七月百無禁忌 張敬軒收廟做禮 被當神咁拜？

軒仔前晚以靚仔Look出席活動。

歌手張敬軒前晚出席水晶品牌限時展覽，與超過半年沒見的逾300名粉絲聚頭，心情超靚的他宣布在香港及廣州設立粉絲活動中心，以表心意：「見粉絲為我付出時間同心機整燈牌，唔想佢哋租Party Room，咪提供地方囉！內地疫情監控好嚴，所以未搵到地方，但香港嗰個就裝修緊，2千幾呎，10月前應該可以啟用。」問為何不選用其5千呎巨型倉，他指該處以擺放粉絲禮物及大型傢俬為主，又透露最近大屋搬細屋，但仍租文物舊屋，打算供建築系學生參觀。

歌迷出「蕉」嚇窒保鏢

出席活動後，軒仔開Post與粉絲互動，上載短片讚粉絲聽話沒有送厚禮，但爆笑改送「兩梳蕉」，連保鏢都忍不住問：「Why Banana？」更有粉絲挑戰創意極限送上「軒公廟」，軒仔摸完後笑說：「好似紙紮舖入面嘅！」又指農曆七月流流，粉絲搬「廟呀、燈呀」到場，笑說：「老衲我倍感感動！」

軒仔看見「軒公廟」忍不住笑，戲言似紙紮。	軒仔與歌迷很久沒見，特意合照留念。	歌迷聽話唔送厚禮，改以「兩梳蕉」表心意。

另外，對於與天王黎明合作的新歌錄得逾200萬點擊，他憶述2人在餐廳見面時，對方比他早到超過半小時，令他想起一同走埠的前輩盧海鵬的話：「梗係要早啲落到嚟啦！一個Show咁多阿哥阿姐，唔通要人哋等你咩……」並感慨前輩不着眼於年資，更多的是工作態度與層次。