太極騷唔齊人留憾 雷有輝哭悼故友

太極在紅館舉行演唱會，無奈已無法再齊人。

爆Gary笑料

期間雷有輝（Patrick）自爆幾年前曾在一次飯局吵大鑊，朱翰博 （Ricky）笑指可能紅酒唔靚，搞到大家酒精「上頭」，2句衝撞後險動武。他們又踢爆Gary每次出埠都最「盡興」，有次去澳洲演出，他飲醉後反鎖於廁所內攬住馬桶狂嘔，最後要Ricky及鄧建明（Joey）爬入廁所拖他出來，豈料「HiFi德」劉賢德再爆料：「喺澳洲佢試過2次o架！第2次係我同張衞健拖佢出嚟！」

演唱會尾段，Patrick感性表示若非演出延期就可以齊人，雖然少了一名隊友，仍會堅持行落去，並感謝在場的Gary太太：「有佢先有Gary，先有咁多動人作品、美好樂章留畀大家回憶。」隨後唱《一生不再說別離》時，他一度痛哭至唱不下去，而Joey亦眼濕濕，場面感人！騷後Patrick指唱《一》時聽到Gary把聲即淚崩：「佢把歌聲真係殺死我！」而Joey則自認是當年險跟Ricky開拖的人。

Patrick哭成淚人。	Anson Kong任嘉賓大鬥唱功。	周慧敏在紀念環節，演唱Gary的作品。