增加互動 好過嘥錢 張敬軒搞歌迷中心:畀大家Hea吓!

今年入行20周年的歌手張敬軒獲粉絲買巴士站燈箱廣告造勢,前晚他秘密到巴士站打卡兼拍片答謝,惟因粉絲聞風而至,最後他被迫取消拍攝。多番勸喻粉絲不要浪費金錢的他,宣布會在廣州及香港設立歌迷活動中心,希望和歌迷有更多交流。

張敬軒的粉絲近日買下位於中環及銅鑼灣等巴士站燈箱廣告,以慶祝他入行20周年,前晚他為太極樂隊的演唱會擔任嘉賓後,急急到巴士站廣告秘密拍攝短片,由於有粉絲收到風並在場拍攝,最後他為免短片內容曝光,即場取消拍攝計劃,並於昨日凌晨一時許在網上直播談及此事,更上載在現場拍下的照片:「感謝各位,再提示:唔好嘥錢!」

5,000呎倉庫擺粉絲禮物

他在直播中說:「雖然我唔鼓勵大家嘥錢,但我都好感動,好想畀驚喜答謝大家,但有熱情嘅朋友跟咗嚟,我係有啲唔開心,現場見到大家影住,我怕Plan好嘅嘢提前曝光,最後要Cut晒。如果今晚行過去、勸喻大家唔好揸機(影)時,我嘅嚴肅嚇親大家嘅話,我要講聲唔好意思!」

張敬軒自爆在荃灣有一個5,000呎的倉庫存放家具及粉絲的禮物:「淨係Monchhichi公仔都有幾千個,除咗收過一撮頭髮我係冇Keep。依家搵錢唔容易,大家要留番個錢傍身,我好早出嚟做事,經歷過月尾盼出糧嘅日子,(歌迷)買隻碟、買張演唱會飛,我已經好開心。」他更宣布會在家鄉廣州及香港設立歌迷活動中心,廣州的會址仍在物色中,而香港的會址面積達數千呎:「有個好似老人活動中心或社區活動中心嘅地方,有個錄影廠拍吓節目,會擺我嘅獎座,放啲舒服嘅傢俬,畀大家Hea吓,或者做義賣活動。」