MJ做紋身師搵錢舒服啲
樂隊Mr.結他手MJ（譚傑明）近月踩過界做紋身師，與紋身師Alex及Crystal一起工作。他表示如有音樂工作會繼續做，但坦言紋身師最舒服，因不需要向太多人交代：「做音樂好多嘢會左右到個成果，所以我想學一樣嘢可以好直接地畀到收入自己。」
問到Mr.早年傳不和解散可會令做音樂更不開心？他坦承曾意見不合：「我哋5個男仔一定有唔同意見，大家都係大佬，一定會有啲火花出嚟，但我哋仍然有份感情喺度，依家我哋唔會鬧交，冇咩好鬧啦，大家喺嗰10年時間已經做咗人生未必有機會再超越嘅嘢。」現時組合是獨立形式，成員各有各發展，有組合工作就會合體，他坦言此形式是最好。