黃妍曳曳 文青變暗黑系
歌手黃妍最近推出第2隻大碟《九道痕跡》，她說：「隻碟我有好大轉變，刮自己啲嘢出嚟，出歌時都有擔心大家會唔會接受到黃妍由文青變做暗黑系，但今次會將我9個面向畀大家睇，有曳、乖、無奈、失望等。」
她最難忘的歌曲是關於家庭關係的《牆身有裂》：「我哋屋企相處嘅方法係含蓄唔會講出嚟，同埋所有嘢講反面，但其實就係默默支持，例如上年疫情冇乜騷時，爹哋媽咪驚我冇錢，所以會默默過錢畀我，我覺得好感動。」而講到8月底將舉行第2次音樂會，她透露排好歌單後，都驚到時會爆喊：「但我預自己唔喊，不過會努力整喊大家。」