蔣家旻濕身賀何廣沛

藝人何廣沛本月3日33歲生日，如往年一樣於工作中度過，他坦言珍惜及感恩。當日他正為新劇《雙生陌生人》拍攝外景，同場的拍檔蔣家旻雖然要拍攝一場淋雨戲，全身盡濕，但亦相當有心，為壽星仔準備了蛋糕慶祝。二人更齊齊接受無綫娛樂新聞台訪問，何廣沛說：「明明頭先我同導演傾緊嘢，後來監製又嚟埋，好大氣場，我心諗要搵埋家旻一齊傾囉！點知佢就攞住個蛋糕出嚟，真係多謝晒！」