孔德賢踩單車撞爆鼻：以為會毀容！
藝人孔德賢早前於《明星運動會》參加游泳項目時「走漏鳥」成為熱話，昨日又再「出事」，於社交網上載一張疑似「撞爆鼻」相片，相中的他滿鼻血兼有傷痕，畫面相當嚇人，並留言：「有冇人可以教我點樣冇疤痕……好痛……成個鼻痛到冇晒知覺，以為斷咗鼻骨……」
及後他接受本報訪問時，透露日前趁放假踩單車，沒料期間有小朋友衝出單車徑：「好彩收得切掣，但係因為地下濕滑衝咗落旁邊草叢，以為會毀容，個鼻冇咗10分鐘知覺！頭先去檢查，醫生幫我打破傷風針同開抗生素藥。」問到會否影響工作？忙於拍攝新劇《廉政狙擊》的他表示會照開工，但會靠化妝遮傷口。而戴祖儀亦於昨日在限時動態上載與謝東閔及孔德賢車廂中開工情況，眾人有說有笑，氣氛愉快，片中見孔德賢以厚妝遮傷痕，故驟眼看來不覺有異樣。