美國天后Britney Spears因與父親就監護權問題打官司而成為新聞女王，前日她在社交網留言，自爆半夜被反鎖在廁所！她上載廁所門照片並說：「凌晨2點，我決定去沖涼！我去廁所並搵緊朝早飲剩嘅咖啡嚟飲，講咗句『作嘔』，但冇倒咗佢。之後我搵洗面液，但四圍搵都搵唔到！我搵咗一段時間，先記起喺另一廁所……之後我離開，發覺道門鎖咗……」她拍門及尖叫呼救，但男友瞓到不省人事。Sam醒來後嘗試用筆開鎖，但不成功，最終要致電保安人員，等了很久才成功開門。
貼文一出惹來不少網民談論，有人認為Britney想藉今次「廁所奇遇記」比喻自己長達13年被父親監管的感受，但她懶理網民亂估，昨日再分享駕車期間發現野豬的片段，見她落車與豬仔玩，似乎心情不俗。