10日成功減6磅 全身共減25吋！ 唐安麒贊助收身 助鄭杞瑤贏模特兒比賽
瘦身教主唐安麒為模特兒比賽擔任首席評判，心痛有佳麗被網民惡意抨擊，出手助對方收身成功，最終更勝出比賽。她鼓勵所有參賽者最緊要對自己有信心，努力前行，活出精彩人生！
名模馬詩慧及瘦身教主唐安麒前晚為《2021亞洲模特盛典香港賽區暨ACE演藝大獎總決賽》擔任評判，參賽者施展渾身解數爭奪各大獎項，結果由朱震軒、鄭杞瑤及徐嘉穎脫穎而出，成為「Face Of Hong Kong」，11月將代表香港到南韓參加《Face Of Asia》選舉，朱震軒同時獲「最佳表現大獎」，身材驕人的鄭杞瑤則獲「完美體態大獎」及「ACE Talent演藝大獎」亞軍。
首席評判唐安麒坦言去年因疫情關係，韓國比賽部分被迫擱置，希望今年能夠順利進行。她指早前鄭杞瑤被網民批評身形微胖及上圍太豐滿成焦點，令對方不開心，導致情緒繃緊抑鬱，上堂時失控爆喊：「當時見到佢嘅情形都好心痛，我贊助佢收身，10日成功減咗6磅、全身瘦咗25吋。我同佢講唔好被人睇小，佢依家成個身形靚晒，比賽表現出眾，實至名歸。」
唐安麒又讚朱震軒聽話有禮：「佢喺外國返嚟，唔係幾識中文，但我每次發言佢都點頭和應。上堂就算好攰都好，見到我行入嚟都會即刻坐直同起身。佢皮膚好好，但我會贊助佢做Facial，11月希望佢以最佳狀態出戰。」
馬詩慧放棄做空姐
而馬詩慧坦言一眾參賽者想躋身模特兒行列，技巧上仍有待鑽研：「佢哋仲有好大進步空間，不過好多都未有舞台經驗，相信經訓練後會好好多。（邊個令你深刻印象？ ）朱震軒，睇外在條件幾好，起碼夠高。」她回想自己入行時感嘆表示：「嗰時冇咁多門路，亦都冇類似比賽，我要叩門同搵經理人公司。當時我得兩個志願，做空姐或模特兒，發覺做空姐好辛苦，做模特兒可以着靚衫，結果我夢想成真，亦慶幸自己經歷過香港時裝界嘅黃金時代。」