粉絲冒雨撐簽名會 Jer唔夠魏浚笙靚仔 照闖影壇

Jer

昨日人氣男團MIRROR成員Jer（柳應廷）獲逾100名「柳柳粉」，冒雨支持其電影主題曲單曲碟簽名會，入行未夠3年的他謙稱未夠班開個人展覽：「等入行10年先搞啦，依家都唔係好多里程碑，想儲多啲嘢先。」有傳他揮低魏浚笙（Jeffrey），與姜濤拍彭秀慧的新戲，他表示要待電影公司安排，但承認已試鏡。對於Jeffrey指他奪得角色是實至名歸，他即向對方笠高帽：「佢都好勁啦，佢靚仔過我好多，又大隻，佢講客氣說話啦。」又稱雖然之前曾拍劇集《男排女將》，又拍過MV，但在演戲上仍是學習階段：「我都仲係好新，梗係冇信心，不過有上演技班增值。」

193否認𢱑波鞋

至於Anson Lo在劇集《大叔的愛》廚藝了得，但現實中卻有「MIRROR地獄廚神」之名，故特別拍煮食片平反，見他功架十足，烹調零甩漏，連身旁大廚都讚他有廚師潛質，不過被隊友Edan柴台：「Danger（危險）！」

「柳柳粉」風雨不改撐偶像。	193接受鄭裕玲訪問，大談「波鞋風波」。	Anson Lo下廚有板有眼。

另外，ERROR成員193（郭嘉駿）早前在社交網留言想要一對限量版波鞋，但被KOL質疑似叫粉絲送鞋。前日ERROR接受鄭裕玲主持的電台節目訪問，193指該波鞋屬「珍品」：「喺外國都冇可能買到，所以嘗試出Post搵鞋，睇吓有冇人幫到我手，無論係抽又好，公關、水貨店幫我又好，想有個途徑可以攞到對波鞋，我超想要！」更霸氣說：「我絕對畀得起錢，我拍一個廣告可能都買到10對、20對，點解啲人會話我想要免費波鞋呢？」又透露該品牌有聯絡他，但指任何人都不可「留鞋」。