黃榕冇啖好食爆喊

藝人黃榕昨日「出戰」健美小姐活動，到場後即場健身，又用輔助工具谷肌。她坦言近年以參加健身比賽為主，所以整年「冇啖好食」」：「長期限制飲食，試過對住啲白烚雞肉食到喊，所有社交活動謝絕晒，啲朋友覺得我可以帶飯盒join，根本唔明白我有幾痛苦。有次好想食生果，都匿埋喺廁所食，好內疚。」問到為何如此堅持？她說：「好想攞次冠軍！（冇晒正常生活，咪識唔到男仔？）我諗住陣間入去睇吓，比較鍾意大隻仔。」