劉晨芝機場做露宿者：好慘！
歌手劉晨芝除了唱歌及打理生意外，還經常接拍美劇，提到外地拍攝，她指於美國拍劇比香港舒服得多：「喺美國拍劇通常8、9個鐘就收工，就算長極一定唔超過12個鐘，因為喺美國OT好貴，而且外國係好保障演員，相反喺香港拍辛苦得多，拍MV拍20幾個鐘冇得瞓係好平常事。」
話雖如此，但她亦試過因拍劇導致冇覺好瞓：「早排去密西西比州拍劇，化好晒妝準備埋位，點知突然收到電話叫我唔好出現，原來話片場有人中咗（新冠肺炎），惟有即刻諗住買機票返LA，點知撞啱冇機位，變咗我要帶住啲行李喺機場過咗晚，第一次做露宿者，好慘！本身已經好攰，但其實喺嗰度係好難瞓得着。」