可宜 婚前派對獨欠裸男

混血主播可宜將於8月8日舉行婚禮，日前偕8位姊妹去酒店Staycation（宅度假）兼大搞婚前派對，她笑說：「呢班姊妹識咗20幾年，其中一個係瑪姬，其他係中學同學，佢哋準備咗好多驚喜畀我，好開心！」

可宜透露原本打算拉大隊去台灣玩，可惜因疫情未能成行：「台灣日頭多嘢行，夜生活又開心，依家就選擇咗主題公園酒店，一班女仔孖鋪傾偈都好開心。我哋第2日去咗主題樂園玩，雖然嗰日3號風球，但佢哋堅持用之前諗好嘅造型同我去玩，好感動，橫風橫雨都陪我癲！」又笑言不少婚前派對都會安排裸男跳舞，但今次在樂園玩絕對是「兒童適宜」，沒香艷場面。