「進擊的處女」煲片偷師 羅毓儀沙灘狼擒黃庭鋒
有「翻版李蘊」之稱的羅毓儀在新劇初嘗感情戲，猴擒飛撲黃庭鋒，更獻出螢幕初吻！她自爆事前上網「偷師」看了多條接吻片做功課，稍後更會有激情床上戲，挑戰底線搏到盡！
羅毓儀（Yuki）與黃庭鋒成為無綫力捧新星，在新劇《雙生陌生人》飾演年輕版湯洛雯及馬德鐘，是一對小戀人。日前他們去到大欖沙灘拍攝一場促膝談心及錫錫的戲份，黃庭鋒送女方絲巾，豈料風太大吹走絲巾，2人隨即展開「追逐戰」，期間Yuki不小心使出「龍爪手」將男方撲倒，繼而獻出蜻蜓點水式的螢幕初吻。
挑戰底線拍床戰
受訪時Yuki怕醜指角色很愛黃庭鋒，所以經常做主動，每次拍攝有肢體觸碰的場口都大呼緊張，特別是獻出螢幕初吻：「我好鍾意飲咖啡提神，但好驚有陣味，黃庭鋒會請我食香口膠。」對於奪走Yuki「第一次」，黃庭鋒笑說：「我第一次拍嗰陣都好緊張！對手係劉佩玥，因為零經驗，係咁問佢個步驟係點樣。」Yuki續自爆專登上網攞經驗：「Search勁多Kiss戲，睇吓點樣錫得靚女啲，Sweet得嚟又唔會Over，如果太猴擒就唔好啦！（有冇激啲？）遲啲會拍床戲，呢套劇真係好多新嘗試！（底線喺邊？）我嘅底線就係導演嘅底線！」
有指角色原定由鄧卓殷飾演，Yuki直認此事，但不了解換角原因：「大概一星期前收到通知，盡全力喺短時間入面讀熟劇本。」