獲老闆封英皇一姐 周家怡唔敢當：咪嚇親人！

周家怡與鄭伊健、錢嘉樂、雲浩影及黃淑蔓等昨午現身大埔，出席英皇電影《深宵閃避球》開鏡儀式。上周五是家怡的42歲生日，投資方英皇老闆楊受成昨與一眾演員推出蛋糕為她補祝，楊生當眾肯定家怡「地位」：「英皇一姐，佢係一姐好耐嘞！」

吸收青春氣息

受訪時談到生日願望，家怡打趣說：「希望吸收多啲青春氣息。（人生大事呢？）殮葬呀？（有冇人追？）話冇好似好削，依家冇拍拖，況且我好講感覺，去到呢個年紀冇諗咁多，或者60歲又變番好急呢！（楊生話你係『英皇一姐』！）唔好寫，嚇親人！（仲有另一套戲開緊工。）同陳家樂嘅《出租佳人》，算托賴。」

伊健與嘉樂繼年前《黃金兄弟》後，再次合作拍電影，今次分飾兩隊球隊教練，笑言是良性競爭，伊健說：「今次故事講人生遇到問題，唔應該閃避。（你以前有試過閃避？）一定有，但真係唔記得咩事嘞。」

伊健男神不老

談到與大班新一代女演員合作，2人打趣有代溝，伊健說：「好似以前我哋萬歲叫奶茶同蛋撻，依家佢哋係食芝士蛋糕同飲珍珠奶茶。」不過靚女們卻指伊健是她們心目中的男神，李靖筠更搞笑指「望佢一眼都賺咗」。