藝人郭子豪、關曜儁（Leo）與陳澤言（CY）昨日到新港城中心出席《MOST FUN運動電競挑戰站》，子豪在無綫《明星運動會》參加100米及4x100米賽跑，笑言跑第2：「由尾數番轉頭！細個跑得好快，但近10年冇練，愈練大隻愈鈍，跑到面青青！」談及孔德賢在泳池邊「放雀」一事，他笑說：「咁有冇游得快咗？變咗螺旋槳！」至於無綫水運會則待公司安排，Leo笑問：「你會唔會攞螺旋槳出嚟？」
