藝人李日朗日前幫忙重建荃灣山上一間寺廟，他說：「朝早9點幾就集合，將大約100包水泥搬上山，再將2棵樹移去其他位置，要落手落腳掘地，做到傍晚先走，好辛苦但好有意義。」今次善舉是由敖嘉年召集，當日只完成了小部分，之後還要繼續。正積極減肥的李日朗說：「嗰日瘦咗幾多就唔知，我呢排每隔1、2日就去健身，又食營養餐，如果成功Keep Fit一定公告天下，等全世界知我有6舊腹肌！」
