欣宜祝「蕉」氣勃勃 ANSONBEAN最高「肌」密慢慢剝
《全民造星III》季軍ANSONBEAN（陳毅燊）加盟寰亞唱片後，推出首支單曲《CRUSH（oh no！）》，前晚舉行發布會兼首播MV，除獲家人現身支持外，同門歌手好友鄭欣宜及「折骨Ben」趙祥誠亦有撐場，席間ANSONBEAN跳唱新歌，氣氛熱鬧！
新人獎唔怕比較
他興奮表示新歌籌備2個月終於面世，談及最近密密操肌，為何不趁機在表演中騷Quali？他笑說想大家Focus在新歌上，「秘密武器」留待個唱才展示：「都有騷到少少膊頭o架！逐步嚟啦！無啦啦剝衫有啲太搞笑！」又預告會歌、影、視3棲發展，並已錄好另一首新歌。
談及今年新人獎戰況激烈，對手包括MIRROR成員Edan、ERROR隊長肥仔及同是《造星》出身的張天賦（MC），問可有信心攞獎？他揚言沒想過對撼：「我都好鍾意佢哋啲歌，今個月好多人出歌，Fans多咗歌聽。（唔怕比較？）唔怕！」
發布會開始前，欣宜捧住大籃香蕉「突襲」化妝間，祝師弟「蕉」氣勃勃，笑爆全場！而Ben則表演折骨舞助興，功架十足。