余香凝湊女當健身

剛「升呢」做索媽2個多月的余香凝，昨日產後首次復工拍攝紮肚廣告，大晒纖腰及纖幼四肢。她受訪時透露由坐月開始進行減肥大計，已成功減走35磅，距離目標體重還有10多磅，並冧笑指囡囡Clare是其專屬健身教練：「條腰依家27吋，差2吋就去番生之前。我個女係『高需求BB』，成日好多要求，佢可能知我拍嘢，呢2日都要我孭佢落去行一轉，行到我一身汗，同埋依家餵人奶都可以瘦身。」她大讚囡囡有演藝細胞，對鏡頭敏銳度高，一拍片就眼仔睩睩望着鏡頭。問到老公錫她還是「前世情人」多？她冧爆表示地位未受動搖！