昔日兒童節目主持做綜藝 周星馳鄭伊健歸隊？

藝人譚玉瑛、唐韋琪及杜大偉等昨日於荃灣出席柬埔寨樓盤活動，譚玉瑛被問到是否有不少「磚頭」在手，可有興趣投資海外物業時，她笑說：「我都希望係，自己冇諗過去外地投資，因為唔想有嘢擔心，情願投資喺自己身上，飲飲食食。」她與李家鼎主持的節目《阿爺廚房》在節目改革下被叫停，問到可有再開拍的消息？她說：「暫時唔會開，因為覺得係老一脫，其實都有佢好睇地方，又唔使冇晒嘅，可能暫時轉吓啲新嘢先，觀眾有唔同層面，出街都有觀眾問我幾時再開，不過開創新節目嘅人有佢哋嘅思維。」