周秀娜呻被搶飯碗

周秀娜昨日出席活動，談到為MIRROR成員Edan的新歌《小諧星》MV擔任女主角，她大讚對方聰明、謙虛，彈鋼琴又有型！對於在MV中「爆乳」引來極大回響，她笑說：「嗰個係行紅地氈嘅造型，着到咁好正常。（之後繼續騷身材？）我不嬲都好大方！」又笑指MIRROR無處不在，自爆有少少嬲：「佢哋連唇膏（廣告）都有！（搶晒啲廣告？）咁我哋女性點算？哈哈！不過係好事嚟，每個Fans都被佢哋嘅活力、青春、正能量感染。」