參選港姐入行的藝人何泳芍（Honey），原來十分享受「扮嘢」，她憶述曾接獲編導電話要求扮貞子，她二話不說便答允：「佢話化晒妝又戴假髮，未必見到我個樣，不過我鍾意發掘自己唔同嘅一面。短片播出咗幾次，父母都認唔到係我，超搞笑。」
為增加演出經驗，她表示當替身亦不介意：「我有潛水牌，之前有被call做陳煒嘅替身，拍攝落水戲，算係學習同實戰嘅機會。」
