余潔滢識花姐冇着數

曾與MIRROR成員Tiger傳緋聞的余潔滢（Zoe），否認列入天團嫂系列。而Lokman女友Luxi對於首次以「天團嫂」身份出席譚仔活動，她表示平日遇見粉絲跟男友合照，她會主動閃開，亦試過替粉絲拿相機拍照。問到會否與Lokman情侶檔拍劇或做節目？她說：「唔抗拒，有錢大家搵。（搵錢趕結婚？）趕住搵錢，唔趕結婚。」
Luxi（左）與余潔滢老友鬼鬼。
Luxi（左）與余潔滢老友鬼鬼。

早前參加《全民造星Ⅳ》面試的Zoe估計有太多人面試，至今未收到消息。問到與監製花姐相熟，會否有着數？她說：「花姐話唔係熟就得，評判畀我評語幾好嘅，但覺得自己唱歌緊張同跳舞有少少失準。本身搵Luxi幫我排舞，佢跳舞好勁，但最尾揀咗跳男仔有型啲嘅舞。」

余潔滢表示很鍾意食米線。
  • 余潔滢表示很鍾意食米線。