林奕匡唔聽話要自己話事

創作歌手林奕匡（Phil）今年初為《時間的囚犯》一歌將頭髮漂白，身邊朋友各有意見，他輕鬆地說：「歌手形象變係好正常，係我少啲啫，冇大不了。」隨着年紀漸長，他開始學習「執着」：「以前成日覺得要聽意見，但作為藝人要有判斷力，我欣賞嘅藝人都係好執着，我開始行呢邊。（你變咗？）我唔聽話囉，由自己出發，哈哈！」3年沒開騷的他，終如願於本月23及24日在九龍灣舉行兩場《來日之音》實體音樂會。