黎瑞恩重提離婚：性格不合成日嘈

無綫訪談節目《單對單》請來離婚後依然活得精彩的黎瑞恩（小恩子）及江美儀擔任最後一集的嘉賓。重提當年嫁入豪門做闊太，小恩子表示生活與普通人無異：「有時我鍾意食魚蛋、燒賣，就去食咯，我好自由喎。人哋話嫁入豪門深似海，要7點鐘請安嗰啲，我又冇喎！（話你老爺錫你？）孝順父母做仔女係必須。」不過7年前離婚，她坦言當時兩夫婦經常鬧交很不開心，分開的原因是性格不合：「佢經常內地做嘢唔得閒，我自己性格又係嘅，我唔信你時，你講乜都唔啱。」她感恩一對子女支持她離婚的決定，談到大女很懂事，她一度感觸爆喊，表示最記得生細仔後，當時4歲大的女兒捉實她的手祈禱望媽媽健康。