郭奕芯有樓揸手 抖足2個月
女星郭奕芯昨日出席香港開電視「2020東京奧運會」宣傳活動，剛榮升業主的她心廣體胖，自言難得有2個月休息，零壓力下自然增磅：「應該肥咗幾磅，9月開戲，應該夠時間瘦身。呢排錄影ViuTV節目，主題圍繞感情事。」
談到早前置業投資，她坦言有壓力：「要睇銀行按揭做到幾多，首期已經拎咗過百萬出嚟，係我10年嚟儲嘅錢，冇叫父母幫手，相信佢哋都覺得好安慰。（買樓唔係自住？）諗住做短線投資，之後賣咗佢，再買間真正自己想住、大啲嘅單位，所以呢個會放租。」現時是自由身的她，雖然一手一腳傾工作，但勝在自由度大，可以做自己喜歡的事，所以不急於簽經理人公司。