陳苑澄舞傷脊椎 最驚冇仔生
前女子組合As One成員陳苑澄在無綫節目《盛．舞者》加入狄易達的隊伍，雖然未能打入決賽，但舞技備受讚賞。她日前接受專訪，回想當初參賽其實無心插柳，只是在朋友鼓勵下才作嘗試，但得知入圍後即時進入狀態，狂操舞步備戰：「雖然有舞蹈底子，但有段時間冇練，唔想拍嘅時候表現唔好。」
由於太過投入操練，她透露賽前弄傷脊椎尾骨舊患，一度令她很迷惘：「比賽前突然舊患好痹痛，連踎低都踎唔到，當時真係勁驚。好彩本身有個相熟中醫，佢幫我喺尾骨放咗3日血，之後痹痛慢慢消失。」她指當年弄傷後醫生已直言或會影響懷孕，所以舊患復發令11月就結婚的她驚上加驚，幸現已沒大礙。她放下心頭大石，亦感激未婚夫對她的支持及愛護。