落嘴頭恨拍續集 Edan Anson Lo未戀夠 閨房樂升級

Edan（左）與Anson Lo老友鬼鬼，再親熱啲都冇問題。

憑港版《大叔的愛》爆紅的Anson Lo與Edan，前晚偕MIRROR隊友Stanley、黃德斌及簡慕華等，為日版《大》劇宣傳。談到劇集口碑、收視俱佳，2人直言期待拍續集或電影版，問到若結局收視突破雙位數會否「咀爆」？Edan搞笑說：「如果3位數，乜都做添呀！」又異口同聲表示15集感情線「唔夠喉」，若有續集希望加「閨房樂」：「可能大家期待嘅唔係肢體上嘅親密，而係日常生活嘅互動，好似一齊刷牙同睇電視、講古仔氹瞓覺咁！」

操肌爭新劇「男一」

談到有Fans的老公成立「苦主大聯盟」，有Fans甚至將Anson Lo的大相掛在客廳正中，他笑說：「辛苦大家屋企多咗樣嘢要打掃。（有冇試過喺街見到『情敵』？）喺升降機遇到住同一大廈嘅苦主男士，佢話唔憎我，又問我係咪好緊張。」此外，ViuTV將開拍新劇《i.SWIM》，有指2人與隊友都對「男一」位置虎視眈眈，更已是大熱之選。當中Edan早前一幕沖涼戲相當吸睛，而他亦操肌操上癮變「大隻安」，誓與Anson Lo拗手瓜。

黃德斌與簡慕華默契十足。

上演姊弟戀的Stanley，演技獲讚賞。

至於黃德斌與簡慕華對《大》劇續集相當期待，問德斌是否多了工作，他說：「有啲啦！好多仲傾緊。（多咗HeHe粉絲？）咁又唔知喎！」他昨晨又出席活動，透露曾參加22公里越野跑山，但成績不理想，希望鍛煉體能再挑戰50公里。