500「Hellosss」逼爆商場 Ian避談女友 冧招連擊Fans
人氣男團MIRROR成員陳卓賢昨日「出巡」，吸引逾500 Fans圍觀，逼爆商場！期間他連環出招冧女，大讚眾人很甜，又向生日的Fans送祝福。4名工作人員全程傍實他，既補妝又吹風扇，非常大陣仗！
陳卓賢（Ian）到商場出席香水限定店開幕活動，吸引大批暱稱「Hellosss」的Fans撐場，部分人於早上8時已到場霸位，逼到商場水洩不通，當中包括穿校服的學生、推嬰兒車的媽咪及幾歲大的妹妹仔，圍觀者更企到出商場外圍，旁邊的飾物店為安全起見一度落閘。
4工作人員服侍
約下午2時45分，Ian由大批保安開路進場，沿途不斷有Fans尖叫，他亦友善地揮手回應，並露出燦爛笑容。問到會送甚麼味道的香水給Fans，他出冧招說：「會揀有甜味嘅香水，因為啲Fans好Sweet，同埋辛苦佢哋等咁耐。」得悉現場有Fans生日，他即送上祝福，Fans亦「回禮」說：「我最鍾意係你！」他即報以微笑。
不過，問到可有送香水給女友盧慧敏，他未有回應，只表示送過給媽咪，而他未收過別人送的香水，全部都是自掏腰包購買。而等待期間，他獲4位工作人員貼身服侍，為他補妝、Set頭及吹風扇散熱，盡顯得寵地位。