「打女」簡思恩加入寫真戰 34C劉子儀力保3點 豬腳薑玩噱頭
有「翻版林志玲」之稱的百萬網紅劉子儀於書展推出處女寫真，大晒34C豐滿上圍兼優質「股」，為谷銷量更以附送豬腳薑及現金券做噱頭。而「打女」簡思恩就以四舊腹肌與人魚線作「籌碼」出征，勢必掀起連場激戰！
書展今日開鑼，劉子儀（可人Kelly）原定去年書展推出首本寫真集，惟撞正疫情書展停辦一年，即轉戰網上平台發售，現時加印2,000本「添食」，又加送豬腳薑及其網紅打卡店現金券。寫真相造型火辣，除了有「神奇女俠」豪晒4吋驕人事業線之外，還有她在按摩池跪地展露「圓月」。Kelly受訪時表示女士行性感才是美，完全不吝嗇騷弗爆身材︰「我追求嘅係藝術方面嘅靚，底線係唔可以露點，私下衣着都係行性感風，Keep得咁辛苦，點解要收收埋埋？」
自認「大女人」不受管束
問到寫真造型可有給男友過目？Kelly聞言即「落閘」拒談戀情，自認是「大女人」的她謂若另一半限制其衣着即會分手︰「如果管住我嘅話咁我唔會鍾意佢，雙方要互相尊重，管嚟管去冇意思，而我係一個事業型嘅女性，工作絕對係重要過愛情。」
至於模特兒兼打女簡思恩踩過界出書，記錄了一整年的減肥之旅，書中不乏她大晒4舊腹肌及人魚線的泳照。她指2年前因失戀而暴飲暴食，體重急升20磅變成肥妹仔，望到腰間幾層車胎才醒覺決心收身，並着手研究有營養又美味的食譜。