姚琰欣激減廿幾磅 備戰《造星IV》
藝人姚琰欣早前被情所傷，令她發憤圖強專注事業並激減20多磅，日前她穿上泳衣大騷Fit爆身材：「佢同我講嘅分手原因係我對佢太好，我覺得只係藉口，佢絕對係渣男，連佢自己都承認係。佢仲話我癡肥，我就要減肥畀佢睇。」
失去愛情後，令她更努力工作，並有意擺脫以往的性感形象：「搵我拍嘢嘅人都係搵我飾演性感角色，我唔抗拒性感，但我係咪淨係可以拍呢啲戲呢？試過有2部三級片想我全裸，我真係接受唔到！」為了轉換形象，她已報名參加《全民造星IV》，又積極健身、練歌及排舞以備戰：「真係好大壓力，大到賀爾蒙失調。（擔唔擔心負評？）唔擔心，會接受批評，我EQ好高。」