鄧洢玲水着Look晒火辣Body
藝人鄧洢玲（阿旦）剛考取了瑜伽導師牌，身材Fit爆的她穿上一件頭黑色開胸透視泳衣，大晒火辣身材，影了輯靚相留倩影，她說：「我發覺玩完瑜伽，體形上係有少少改善，唔係淨係要好瘦、骨感，除咗背脊薄咗，條頸嘅線條、鎖骨位都出咗靚啲，不過我對自己身形未係最滿意，因為我係為食戒唔到口，始終我自己有餐廳，有時都要試食。」
除了要打理按摩店及餐廳，阿旦也要學習分配時間跟家人相處及照顧2隻愛犬，她說：「考完瑜伽牌，我覺得未足夠，可能會繼續學同上堂，都想再定啲目標畀自己，學唔同類型嘅嘢，好似咖啡師、品酒師，幫到工作之餘，還可以放鬆自己心靈。」感情方面，她就隨遇而安，笑言不是要趕嫁人或生小朋友，依家生活好開心好充實。