晒冷畀首期 郭奕芯800萬上車 升呢索爆包租婆

郭奕芯憑電影《同班同學》嶄露頭角，近年密密接戲，剛拍完電影《源生罪》，又為ViuTV全新節目《晚吹–戀講嘢》擔任主持，影視兩邊默默吸金。

Ashina近日睇準時機，購入位於西營盤、恒基地產旗下新樓盤「藝里坊．2號」，貪其設計主攻年輕一族，容易放租，她以800萬買入高層一房單位，面積252呎。心情興奮的她急不及待在社交網分享喜訊，上載身在售樓處及手持合約文件的照片並發文：「人生成就達成！首次置業！」並加上「#我要做業主啦」及「#以後要知慳識儉」的標籤。

睇中港島區物業保值

她受訪時坦言為了達成上車夢，傾盡由細到大的儲蓄支付首期：「今次係我首次置業，以後要慳啲使。」本身與父母同住港島區的她，直言覺得該區物業較保值，今次購入單位會作投資放租之用，實行變身「索爆包租婆」！

Ashina近年約滿英皇，由於父親長居內地，她原本想前往內地探望對方及物色新經理人，可惜爆發第4波疫情，因隔離時間太長而打消念頭，以自由身接洽工作。最近她終於找到經理人，所以可安心發展事業，努力工作供樓。