「星夢」歌手零的突破！戴祖儀首攻《Chill Club》做跨台先鋒
「星夢歌手」戴祖儀破天荒與環球歌手涂毓麟推出合唱歌，有指將孖住亮相ViuTV音樂節目宣傳，成為首位現身ViuTV的無綫藝人。前晚2人演出無綫慈善節目熱身，風騷到爆的祖儀更嗒晒糖，大談新劇拍檔黃宗澤！
無綫與3大唱片公司破冰，容許旗下歌手亮相其他電視台，增加歌手間的合作機會。近日「星夢」歌手戴祖儀便與環球的涂毓麟展開第一擊，推出合唱歌《我們再不講再見》，更有指將齊齊現身ViuTV音樂節目《Chill Club》宣傳，意味祖儀成為首位現身ViuTV的無綫代表！對此，環球唱片公司透露還未落實，而星夢行政總裁何麗全則透露會與ViuTV商討細節。
前晚祖儀率先孖涂毓麟亮相無綫慈善節目《明愛暖萬心》合唱，近日歌、視雙線發展的她非常醒神，提及新劇《廉政狙擊》上司黃宗澤更心心眼：「佢穩重又幽默，令成組人都好開心。（鍾意呢類型？）絕對係理想型！（電親？）就算佢冇電我，我都不停被電親，佢連拎住手提風扇都好似慢動作咁，不過有時都撩傾偈，佢通常叫我走開。」談到有機會亮相ViuTV，她昨日受訪時表示暫未收到通知，若有機會也很樂意。
Gin做導師冇偏心
同場的《聲夢傳奇》導師李幸倪（Gin Lee）與泳兒，揚言對學員一視同仁，沒有偏心。問到哪位學員難教？Gin Lee說：「Rock，溫柔10次都唔Work，結果都係要鬧，可能會嚇親佢，但都係為佢好。（網友誤會你好惡？）我知自己出自真心已經足夠，Rock亦冇避開我，完咗節目都有保持聯絡，佢仲多謝我添！」